The Concept of Intercultural Dialogue: Its Necessity and Importance Mədəniyyətlərarası dialoq anlayışı, onun zəruriliyi və əhəmiyyəti Понятие межкультурного диалога, его необходимость и значимость

İnsanın inkişafında, müasir dövrlə ayaqlaşmasında, nəsildən nəsilə ötürdüyü yeganə dəyərin mədəniyyət olduğu hər kəs tərəfindən bilinməkdədir. "Mədəniyyət" sözünün latın dilindən tərcüməsi "julture" -bacarmaq, bəsləmək, yaxşılaşdırmaq deməkdir. Mədəniyyət bir ölkə və cəmiyyətin maddi və mənəvi var olmalarını, düşüncə, sənət, peşə, elm, texnologiyanın bütününü içinə alan bir ifadədir. Hər bir xalqın mədəniyyəti və sahib olduğu mənəvi dəyərləri onun tarixinin aynası olub, keçdiyi tarixi inkişaf yolu onun kimliyinin formalaşmasında əhəmiyyətli rola malikdir. Mədəniyyəti müxtəlif aspektlərdən araşdıran tədqiqatçılar üçün, müasir humanitar elmlər, o cümlədən də mədəniyyətlərarası dialoq, multikulturializm və tolerantlıq da əhəmiyyətli bir məsələ olmuşdur. Belə ki, bu cür araşdırmalar xalqların tarixinin qaranlıq səhifələrinə aydınlıq gətirilməsinə yardım edir və onlar haqqında tarixi yaddaşın bərpasını təmin edir. Məşhur etnoqraf R. F. İts haqlı olaraq qeyd edirdi ki, xalqın tarixi təkcə yazılı mənbələrdə deyil, həmçinin onun adət-ənənələrində, bizi əhatə edən aləm haqqındakı düşüncə və təsəvvürlərində, əmək alətlərində, geyim və yeməklərində, yaşayış evlərində, qədim yaşayış məskənlərində, qədim qəbir abidələrində, əfsanə və dastanlarında, etnos tərəfindən yaranıb onu başqalarından fərqləndirən mədəniyyətin bütün sahələrində qorunur.