Maraqlar sosial konfliktlərin yaranmasının əsas səbəbi kimi

Maraqlar problemi sosial fəlsəfənin ən aktual mövzularından biridir. Bu problemin öyrənilməsi sosial elmlərin yaranmasınadək bir o qədər də önəmli qəbul edilməmişdir. Çünki cəmiyyətdə baş verən proseslərin kökündə duran maraqlara abstrakt bir şey kimi yanaşılırdı. Lakin cəmiyyət eləcə də, burada baş verən hadisə və proseslər mürəkkəbləşdikcə və onların öyrənilməsinə verilən əhəmiyyət artdıqca maraqlar probleminin araşdırılmasının qaçılmaz olduğu görülmüşdü. Cəmiyyət özlüyündə mürəkkəb bir sistemdir.[1, s.22] Bu sistemin mürəkkəbliyi isə hər şeydən əvvəl, onun çoxlu sayda bir-birilə müxtəlif qarşılıqlı əlaqə və təsirdə olan elementlərdən, altsistemlərdən ibarət olması ilə bağlıdır. Burada elementlər qismində çıxış edən ayrı-ayrı fərdlərin birliyi və bu birliyin ən başlıca şərti kimi insanlar arasında yaranan münasibətlər sistemi mövcuddur. Bu münasibətlər sistemində iqtisadi, siyasi, mənəvi həyatda müxtəlif vəziyyətdə olan, bərabər səviyyədə iştirak etməyən, həyat tərzinə, gəlir səviyyəsinə, köklü maraqlarına görə fərqlənən insan qrupları iştirak edir. İnsan fəaliyyətinin əsasında duran amillərdən biri kimi ehtiyac (tələbat) və bu tələbatdan doğan maraqlardır. Bu iki amil olmasa insanda dinamika, hərəkət, inkişaf ola bilməz. Maraqlar prinsipi canlı aləmin bütün növlərinə məxsus olan cəhətdir. Bu prinsip mövcudolma və yaşamağın əsasında durur.

The article analyzes the category of interest from the perspective of its role in the emergence of social conflicts. In this connection, it highlights the main types of interest. It emphasizes the special role of the economic and political interests as the main source of theoccurrence of social conflicts of all kinds. At the same time the positive value of conflict for the development of the society is noted.

В статье анализируется категория интереса с позиции ее роли в возникновении социальных конфликтов. В этой связи выделяются основные виды интересов. Подчеркивается особая роль экономических и политических интересов как основной источник возникновении социальных конфликтов разного рода. Одновременно отмечается положительное значение конфликтов для развития общества.