Heydər Əliyevin dövlətçilik strategiyasında qadın məsələsi:Azərbaycanda qadın siyasətində beynəlxalq standartların tətbiqi istiqamətində atılan addımlar (1993-2003) The Issue of Women in Heydar Aliyev's Statehood Strategy: Steps Taken Toward the Application of International Standards in Women's Policy in Azerbaijan (1993-2003) Вопрос женщин в государственной стратегии Гейдара Алиева: шаги по внедрению международных стандартов в политику по правам женщин в Азербайджане (1993–2003)

Bu gün dünyanın müxtəlif dövlətləri ilə qlobal problemlərin həlli sahəsində əlaqə-lərin getdikcə genişlənməsi həmin problemlərin elmi bazasının yeni istiqamətdə təhlil olunmasına, öyrənilməsinə böyük zəmin yaratmışdır. Qadın məsələsi isə ictimai-siyasi bir məsələ olduğundan qadın şəxsiyyətinin mahiyyəti, cəmiyyətin idarə edilməsində yeri və rolu, fəallığı, mədəniyyəti və şüurluluq səviyyəsi bütün dövrlərdə fəlsəfi fıkrin diqqət mərkəzində olmuş və bu barədə bir-birinə zidd fıkirlər söylənilmişdir. Müstəqilliyini yaşadığımız keçid dövründə totalitar rejimə məxsus dəyərlərin dəyişən dünyaya müvafıq dəyərlərlə əvəzlənməsi prosesi gedir, cəmiyyətin sosial strukturunda dəyişikliklər baş verir. Köhnənin yeniliklə əvəzlənməsi prosesində qadı-nın sosial siması dəyişir və o özünün sosial normalara uyğun yeni həyat tərzini formalaşdırır. Bu zaman cəmiyyətdə baş verən proseslərdə kişilər kimi qadınlar da düz-gün seçim, səbəb və nəticə əlaqələrini yetərincə analiz etmək, təmsil etdıyi cinsin mənafeyini müdafıə, qarşıya qoyulan məqsədə nail olmaq üçün mümkün vasitə və imkanlardan istifadə etməyə, müxtəlif səviyyələrdə siyasi biliklərə yiyələnməyə və siyasi fəallığı artırmağa can atırlar. Keçid dövründə qadınların fəaliyyətinin elmi təh-lili onların gələcək həyatının istər iqtisadi, mənəvi və maddi, istərsə də siyasi və mə-dəni sahələrində baş verəcək dəyişikliklərin öyrənilməsi üçün əhəmiyyətlidir.