Sərvətlər insanın dünyaya münasibətinin xüsusi aspektini izah edir və onun dünyagörüşünün formalaşmasında xüsusi rol oynayırlar. Onlar insan fəaliyyətinin, cəmiyyətin, mədəniyyətin spesifikasını dərindən dərk etməyə imkan verir. Sərvətlər insanların birləşməsinə, yaxınlaşmasına, əlaqə və ünsiyyət yaratmasına, onların cəmiyyətə inteqrasiya olunmasına şərait yaradır. Sərvətlər həyatın incəsənət, din, əxlaq, mədəni sahələrində aparıcı yola malikdir. Onlar elmi anlayış dilinə tərcümə edilmir və çox halda bədii-obrazlı mifoloji, yaxud dini formada ifadə olunurlar. Sərvət mühakiməsinin mühüm keyfiyyəti ondadır ki, o, qiymətdir, yaxud daxili vəziyyət vasitəsilə hərəkətə canatmadır. Əgər elmi idarə tam adekvat biliyə daha çox yaxınlaşmağa meyl edirsə, sərvət münasibəti insanı “mənalar səltənəti”, əhəmiyyətlilik dünyası ilə yükləyir. Aksiologiya və ya sərvətlər anlayışı şəxsiyyətin mənəvi dünyası ilə bağlıdır. Ağıl rasionallıq, bilik şüurun mühüm komponentlərini təşkil edir, bunlarsız insanın məqsədəuyğun fəaliyyəti yoxdur və insan həyatının mahiyyəti, öz həyat yolunun seçilməsi bunların arasında formalaşan mənəviyyat və sərvətlərə aid edilir.