Yeni sosial-etik ideologiya kimi bioetikanin hərtərəfli öyrənilməsi muasir elmin ən aktual problemlərindəndir. Bioetika fəlsəfi fənn kimi klassik etikadan və elm etikasindan, həmçinin təbabət etikasindan bir sıra spesifik xüsusiyyətləri ilə fərqlənən bilik sahəsidir. Onun keyfiyyət xüsusiyyəti biotəbabətin və yeni tibbi müalicə texnologiyalarının yaranması ilə əlaqədar insanın təbiətini yaxşılaşdırmaq ideyasına ümumi marağın artmasından ibarətdir. Onun perspektivləri təbabətin səhiyyə və fəlsəfi humanizm vasitəsilə daha qlobal məsələlərə qarışması sayəsində daha da genişlənir. Bioetika-yeni mədəniyyət və ya yeni dünyagörüşü formasıdır. Bioetikanın spesifikası həm də onun elm etikasının daha geniş əxlaq sahəsi ilə müqayisə edilməsindədir. Onu da qeyd etmək vacibdir ki, bu sahədə alimlərin-mütəxəssislərin müxtəlif səpkili daha coxsaylı elmi tədqiqatlar aparması ümumbəşəri xidmətdir və cəmiyyətin məxsusi maariflənməsidir.