Əllamə Məclisiyə görə “Qəraniq” hadisəsi və onun mahiyyəti The "Qaraniq" Incident and Its Essence According to Allama Majlisi Событие «Караник» и его сущность в труде Алламы Маджлиси

Məsum şəxslərin, xüsusilə də Peyğəmbərin (s) adına hədislərin uydurulması tari-xi çox qədimdir. Hələ onun sağlığında bir çox insanlar yalan hədislər danışmış və nə-ticədə Peyğəmbər (s) xütbə edərək: “mənim adıma yalan hədis danışmayın, hər kəs mənim adıma yalan hədis danışsa, öz yerini cəhənnəmdə hazır bilsin” söyləmişdir (1, c.II, s.160). Təəssüflər olsun ki, bəzi sadəlövh insanlar və islam düşməni olan əhli-ki-tab nümayəndələri Peyğəmbərin (s) bu sözünə məhəl qoymayaraq onun adına zaman-zaman yalanlar uydurmuşlar. Bu yalan hədislər içərisində “Qəraniq” hadisəsinin xü-susi önəmi vardır. Çünki bu hədisi uyduranlar bununla Peyğəmbərin (s) müşrikləri dəstəklədiyini, onların bütlərinə hörmət qoyduğunu və nəhayət şeytanın istədiyi vaxt Peyğəmbərə (s) təlqin etməsinin mümkünlüyünü isbat etmək istəmişlər. Amma xoşa gələn hal budur ki, istər səhabə və tabeunlar təbəqəsi, istərsə də onlradan sonra gələn müsəlman alimləri bu kimi hədislərin qondarma olduğunu hərtərəfli olaraq isbatlamış və Peyğəmbərin (s) adına olan hər növ yalanı üzə çıxarmışlar. Bu alimlər içərisində Əllamə Məclisinin xüsusi yeri vardır. O, adı çəkilən əsərinin müxtəlif yerlərində “Qəraniq” hadisəsini qeyd etmiş və onun cəfəngiyat olduğunu sübut etmişdir. Bu haqqda o, yazır: “rəvayət olunan Qəraniq hadisəsi xürafatdır”.