İslamda zəkat Zakat in Islam Закят в исламе

İnsanın var olub yaşaya bilməsi üçün ictimai həyatın tələb etdiyi bəzi qaydalar böyük əhəmiyyət daşıyır. Bu baxımdan insanlar, varlıqlarını inkişaf etdirə bilmək üçün bir cəmiyyətdə mövqe tutmağa ehtiyac duyurlar. Bu mövqeni tutmaq üçün də, cəmiyyətdə yaşayan hər bir fərdin özünə uyğun bəzi mükəlləfiyyətləri vardır. Başqa bir ifadəylə desək, tək-tək hər bir fərdin cəmiyyətin varlığını təkmilləşdirilməsi üçün fərdlərin, bu cəmiyyətə qarşı müəyyən məsuliyyətləri vardır. Cəmiyyətin sağlam bir şəkildə inkişaf edə bilməsi üçün, ictimai tarazlıq və əmin-amanlığın müəyyən bir şəkildə təmin edilməsi və fərdlər arasında gərginliyə yol aça biləcək faktorların aradan qaldırılması böyük əhəmiyyət daşıyır. Bir cəmiyyətdə zənginlərin və yoxsulların olması təbiidir. Lakin təbii olmayan, bunların bir-birlərinin haqqlarını qorumaması və sosio-ekonomik baxımdan bu vəziyyətin cəmiyyətdə gərginliyə səbəb olması və ədalətsizlik yaratmasıdır. Bunun üçün də zəngin və yoxsul arasındakı iqtisadi səviyyə fərqinin uçurum yaratmaması, yəni zənginin daha zəngin, yoxsulun daha imkansız olmasına maneə törədilməsi, ola biləcək olan bu gərginliyin qarşısının alınması mühim əhəmiyyət daşıyır.