Tarixdə çox Ömərlər olmuş. Bunların məşhurları, tanınmışları və tanınmamışları vardır. Bu Ömərlərin başlanğıcını və idealını məşhur səhabə və İslamın yetişdirdiyi məşhur şəxsiyyətlərdən biri olan İkinci Raşidi Xəlifə Ömər bin əlXattab (r.a.) təşkil edir. Bu Ömər o insandır ki, ondan sonra gələn Ömərlər və elə qeyri Ömərlər də onun kimi olmağa, ona oxşamağa və ona bənzəməyə çalışmışlar. Bu Ömər o insandır ki, Allaha qarşı olan imanı, qorxusu və təqvası ilə məşhur olmuş, İslam Peyğəmbərinə olan sədaqəti, sevgisi və məhəbbətilə tanınmışdır.