Bir elm xadimi kimi abdullah kahraman

Abdullah müəllimlə mənim tanışlığımın o qədər də uzun bir keçmişi yoxdur; iki il olar ya olmaz. Bir insan haqqında yaranan ilk qənaət çox əhəmiyyətlidir. Bəzən yaxşı bir insan haqqında yaranan ilk mənfi təəssüratı uzun müddət düzəltmək olmur, yaxud əksinə. Çox vaxt bu qənaət münasibət davam etdiyi müddətcə dəyişməz. Abdullah müəllimlə ilk dəfə bir dostumun otağında qarşılaşdım. İlk qənaətim də belə oldu: bu insan həqiqətən kitab aşiqidir. Kitabdan söz düşəndə çox həvəslə söhbətə qoşulub, diqqətini çəkən əsərləri ya da məqalələri bir an əvvəl əldə etmək istəyi yüksəkdir. Sonralar daha yaxından tanış olanda gördüm ki ilk təsüratım məni yanıltmıyıb. Abdullah müəllim kitab oxumağı çox sevən bir insandır. Bunun nəticəsində də güclü bir araşdırmacı ruhu qazanmışdır. Elmi həyatının fəallığını onun hal-tərcüməsinə baxaraq anlamaq mümkündür. Xüsusilə Fiqh elmi sahəhisindəki geniş biliyi və bir fəqihə layiq düşünmə tərzi qibtə ediləcək səviyyədədir.