Həyatda elə insanlar var ki, onlarla uzun müddət təmasda olsan da gözdən uzaqlaşan kimi unudulub yaddan çıxırlar. Amma elə insanlar da var ki, lap qısa müddətdə onlarla ünsiyyətdə olduqdan sonar yaxında və ya uzaqda olmalarına baxmayaraq insanın xatirində həmişəlik həkk olunub qalırlar. Dostumuz Abdulla Kahraman da bu ikinci qəbil insanlardandır. O, hazırda bizdən uzaqda – doğma vətəni Türkiyədə olsa da biz onu tez-tez yada salır, onun xeyirxah işlərini və gözəl xüsusiyyətlərini hələ də xatırlayırıq.