İlahiyyat fakültəsi İlahiyyat fakültəsi

Sovet hakimiyyəti dövründə başqa SSRİ respublikalarında oldu-ğu kimi, Azərbaycanda da ateizm siyasəti nəticəsində dini dəyərlərimiz heçə endirilmiş, onlar cəmiyyətin inkişafına mane olan, insanlarda kom-munizm şüurunun formalaşmasına əngəl törədən zərərli adət-ən”ənələr kimi yasaq edilmişdi. İş o yerə çatmışdı ki, xalqımızın ən əziz günü, hələ İslamiyyətdən çox-çox əvvəl ölkəmizdə böyük bir təntənə ilə qeyd olunan Novruz bayramı belə «dini bir bayram kimi» qadağan edilmişdir, onun rəsmi şəkildə qeyd edilməsi yasaqlanmışdı. Lakin dininə, mə”nə-viyyatına, qədim adət-ən”ənələrinə qəlbən bağlı olan Azərbaycan xalqı bütün bu qadağalara baxmayaraq sovet rejimi, allahsızlıq siyasəti illərində belə öz dini dəyərlərini uca tutmuş, insanda fitri şəkildə mövcud olan Allah eşqini, Allah sevgisini ən müqəddəs əmanət kimi həmişə qoruyub saxlamış, onu nəsildən nəslə ötürmüşdür.